سجن الضمير - رسالة من بين قضبان السجن

رسآلة من بين قضبآن السجن

.
يا رسول الباگوا الغار من أديك
وكسّروا ظلّع الحمامة ..
وشگگوا ذيچ الرسالة .. ويا رسالة ..؟
يا رسالة
وبعدالتهم قناعة .. الشمس لازم تنحكم .. لأن طلعت فوگ قصر الحاكم وكوخ الفقير ..
يا رسالة
وغيمة مطرت عالرصيف تبّرد فراش اليتامة
البيهه تحلم
تحلم تنام بسلام ...
شلون تحلم وهيه اصلاً ما تنام

يــــــــا تعال وشوف عين الدنية مضروبة بسهم
ودمعة من بعيد صاحـــت .. صاحت ومحد سمعهه
وغرگت عيون الشوارع من دمعها
انترســـت جيوب الكرآسي من دمعــها
وانته مجموعة وطن عاش السُبـــات
انته يا موت اليذل عرش الحيـــاة
صوتك النآيـم أذآن
بديرة العشريـــن مآت
.
وانته عايش بين دستور الوحوش
الخله غيدة تخاف من كلمة حمد
وليل عمرك بعده غافي أبين بيبان السوالف
وبيك ثورة
تعيش جواها الحقيقة
بثوب بركــان الهــــدوء السكّّّّّّّّت حلوگ العواصف

شگد چبيرة الدنيا چآنت
علمتنة شلون نغسل همنة بدموع الطفل
وعلمتنة شلون بحروف الصدگ تسقُط جُمل
وعلمتنة شلون نزرع وردة وتخضّر أمل ..
.
.
وعلمتنة البينة يعطش
لو نشف مآي النهر
والقطآر يموت سكتة .. بين بيبان المحطة وبين بيبان السفر
وعلمتنة
شلون بخيوط الحقيقة تعيش مدرسة الحقيقة
أهنانة مدرسة الحقيقة
أهنانه طالب يحضن برحلة صديقة

أخطية مدرسة الحقيقة كلشي سكتة
تعيش سكتة
تموت سكته
والثواني تنام باحضان الدقيقة
والحديقه .. تبچي عالعصفور ألبطن الحديقة
والدفاتر زاعلــــت حتة الورق
والمدآرس عزلوهه
وكتبوا أباب المدآرس ( أن وعد الله حق )
والمدآرس بيهه طير
بين ورگـات الشجر يحلم يطير
وبين قضبان السجن عايش وطن
وبين ذرعان الوطن عايش ضمير
والضمير
شگد خطية
تگول شاعر .. والقصيدة بجيبة شايلهه هوية
ومرة جـــاع
گام يآكل بالقصيدة وصار ( مجهول الهوية )

يسلموووووووووووووووو
عاشت الايادي