وصيه حب حلووووووووووة

(وصيه حب)

احرك ياألم خل ناري بيه تزود
اريد اليوم اصيح من العشك توبه
واريد اكتب وصية حب يريد يموت
اجت كل المشاعر يمه مرعوبه
تدون كل كلامه بحبر من دموع
لان دمع الحزن ما ينسي اسلوبه
كال اول وصيه لكل الي يحبون
واساميهم جميعا عنده مكتوبه
الحب بس حقيقه والخيانه اوهام
صوت الحب عقيده وغيره اكذوبه
الحب مو كلام وما توصفه اشعار
ادوات القياس وياه مكلوبه
احيانا نحب انسان كله اخطاء
واخطائه عزيزه تصير محبوبه!!!
واحيانا ملاك بهيئة الانسان
يحبنه من صدك وعيوننه تذوبه
لكن ما نحبه بدون اي اسباب
كلب ما دك عليه..مو فعلا اعجوبه؟؟؟؟
اتركه الحب يموت يشيعه الاحساس
اغير بالخطاب الان واسلوبه
اوجه بس تحيه لحب ابد ميموت
لان يشرب دموع العين مشروبه
واكول الجايات احسن من الماضين
الراح الله معاه بالخير مركوبه
كالوا بالامثال وحكم بالامثال
يا زوبع يهون الصعب وكروبه
اغير بالمثل يا جواد هم تهون
ترى ايام العمر لحظات محسوبه