قصيــدة (( يــا وطنـــــــــــــه)).........

يــا وطنــــــــــه

هم يوم ويجي وترجع تضمنه * بحظنك يا وطن وتلـم شملـــــه
وتــرد ذيــج الأيــام
بأمانـك نغفه ونـــام
بحظنـك يـاوطن وتلـم شملنـــه
ــــــــــــــــــ
بعدك ياوطن ما شفنه راحــه* بس ضيم وحزن وأه ومناحــــه
أبنـك بالغرب صبره سلاحـه * وبحبك يضمد كــل جراحــــــه
ويتأمـل يردلــــــك
تقبله أنت ويقبلـــك
بحاجه أحنه تره الذيج المَحَنه * بحظنك يا وطن وتلـم شملنــــــه
ـــــــــــــــــ
ياللي بالكلب والله مكانـــك * محتاجين حيل أحنه الحنانـــــــك
يمته أنرد الك ويرد أمانك * ويمته تأذن ونسمـع أذانـــــــــــك
كـوم وصلـي بينــــه
بصلاتك وأدعي لينه
من الغربه نرجع يا أملنه * بحظنك يـا وطـن وتلـم شملنـــــه
ـــــــــــــــــــ
جم مره على فراكك بجينه * أذا مر يا وطن طرواك بينــــــــه
بغربتنه تره وليه نولينــــه * وبعد عينك منو ليحن علينـــــــــه
مـن أمجــان لمجـــان
نفتـر بيـن الأوطـــان
كلي يمته يتحقق حلمنــه * بحظنـك يـا وطـن وتلـم شملنـــــه
ـــــــــــــــــــ
كل لحظه الك ياوطن نشتاق * الحنين أيهزنه الك وتهزنه لشواق
من لعماق صوت يصيح يعراق * حسافه الدم نزف من أهلك وراق
ونخلص الليـل حسبـات
ونهار المحب أهــات
يالغالي نصيح بلهفه ردنه * بحظنك يا وطن وتلم شملنــــه
ــــــــــــــــــــــــ
يمته نردلك ونكعـد سويـه * ونجيب كلوبنه لوجهك هديـــــه
الأخو يمته يرد وشوف أخيه * يتامه بغيرك احنه يالشفيـــــــــه
بينــه طال الغيــاب
ولبسنه سود الثيـاب
نشمك يمته جا وأنت التشمنه* بحظنك يا وطن وتلم شملنــه

يسلموووووووووووووووو
عاشت الايادي